Kaixo! Atzo ligaren azken partidoarez gain, oinordekoen omenaldia jaso zuten Lagun Onaken hasierako emakume futbolariek.
Gaur egun Lagun Onaken futbolean ari diren adin guztietako neskak eta emakumeak bi ilara luzetan zain zituzten hasierako taldekideek 18:45erako Garmendipeko zelai nagusian; izan ere, ezohiko zelaian jokatu zuten atzoko neurketa Ohorezko Erregional Mailako taldekoek, ondoko belar artifizialdun zelaia utzita. Aipatutako bi ilaren bukaeran, erdian, futbolari horietako zortzi zain zituzten txalo artean zelairatu ziren omenduek, ohorezko aurreskua dantzatzeko. Entrenatzaile eta futbolari izandakoek dantzarien eta gainerakoen harrera eskertu ondoren, Lagun Onak-Ondarbeltz Amaikak Mutriku partidaren ohorezko sakea egin zuen Miriam Arrieta kapitain ohiak; eta irten ziren modu berean, egungo futbolarien zein atzo Garmendipen elkartutako ikusleen txalo artean, atera ziren omendutakoak futbol zelaitik.
iruzkinik ez:
Argitaratu iruzkina